Notifications
Clear all

[Completed] चमत्कार कल्पना से परे | Chamatkar Kalpana Se Pare

Page 1 / 27

Satish Kumar
Posts: 1092
Admin
Topic starter
Member
Joined: 1 year ago

Us din baadlo se bhare aasmaan ko dekh kar koi bhi ye nahi soch sakta tha ki poore desh me ajibo garib aur rahasyamayi ghatnaye jaldi hi hone wali hain..

चमत्कार कल्पना से परे | Chamatkar Kalpana Se Pare | Hinglish

Chamatkar Kalpana Se Pare

Chamatkar Kalpana Se Pare: Nagpur ke pass Umred Taluka me bye pass ke najdeek makan number 4 me rahne vale Mr. aur Mrs. Rajvansh garv se kahte the ' hum to samanya log hain..

Koi soch bhi nahi sakta tha ki yah log kisi rahasyamayi ya ajeeb cheez me ulajh sakte the.....kyon ki ve in betuki bato se dur rahte the.....

Mr. Anand Rajvansh Aditya Industries naam ki company ke director the.....jo drill banati thi..

Anand Rajvansh mote tagde admi the aur unki gardan to jaise thi hi nahi, halanki unki muchhe bahut badi thi....

Urmila Rajvansh behad khubsurat, padhi likhi house wife thi...unki gardan samanya se duguni lambi thi...ye gardan unke bahut kaam aati thi....

kyon ki vo bagiche ki munder ke paar taak jhaank karne me aur padosiyo ki jasusi karne me apna bahut sa samay bitati thi....

Unka ek chhota sa beta bhi tha .... jiska naam Aditya Rajvansh tha...

Anand aur Urmila ka maanna tha ki duniya me aditya se sundar bachcha ho hi nahi sakta.....

Unke pass sab kuch tha, jo bhi vo chahte the......

Par unki jindagi me ek rahasya bhi tha aur unhe sabse jyada darr issi baat se lagta tha ki kahi vo rahasya kisi ko pata na chal jaye....

vo ye soch bhi nahi sakte the ki agar kisi ko Rajvansh pariwar ke bare me pata chal gaya, to unka kya hoga...?

Megha, Urmila ki bahan thi lekin kayi saalo se dono ek dusre se nahi mili thi

Sach to ye tha ki urmila sabko yahi batati thi ki unki koi bahan hi nahi thi...

Kyon ki uski bahan aur uska nikamma pati un logo se utne hi alag the..jitna hona sambhav tha...

Ye soch kar hi anand aur urmila ke hosh ud jate the ki agar megha aur uska pati unki gali me aa gaye to unke padosi kya kahenge....

Vo jante the ki unka ek chhota sa beta bhi tha par unhone use kabhi nahi dekha tha

Yeh Bachcha bhi ek bada kaaran tha, jis vajah se vo megha ke pariwar se door rahte the....vo nahi chahte the ki aditya is tarah ke bachche se mile jule....

Jab anand aur urmila us bojhil mangalwar ko subah so kar uthe, jahan se hamari kahani shuru hoti hai...

Us din baadlo se bhare aasmaan ko dekh kar koi bhi ye nahi soch sakta tha ki poore desh me ajibo garib aur rahasyamayi ghatnaye jaldi hi hone wali hain........

To be Continued

Reply
130 Replies
Satish Kumar
Posts: 1092
Admin
Topic starter
Member
Joined: 1 year ago

Yeh Bachcha bhi ek bada kaaran tha, jis vajah se vo megha ke pariwar se door rahte the....vo nahi chahte the ki aditya is tarah ke bachche se mile jule....

Jab anand aur urmila us bojhil mangalwar ko subah so kar uthe, jahan se hamari kahani shuru hoti hai...

Us din baadlo se bhare aasmaan ko dekh kar koi bhi ye nahi soch sakta tha ki poore desh me ajibo garib aur rahasyamayi ghatnaye jaldi hi hone wali hain........

Chamatkar Kalpana Se Pare | Update 2

Anand subah apne office jane ke liye ready hone lage ...Urmila apna gharelu kaam karte huye idhar udhar shararat kar rahe Aditya ko bhi beech beech me khilati ja rahi thi.......​

Unme se kisi ko yeh nahi dikha ki ek bada sa bhura ullu unki khidki ke pass se pankh phadphadate huye gujar gaya....​

Kuch der baad hi anand ne apna briefcase uthaya, urmila ke gaal sahlaye aur aditya ko chumne ki koshish ki lekin vo aisa nahi kar paye kyon ki vo us samay gusse me apna nasta chhote chhote hatho se deewar par phek raha tha to anand apne office ke liye nikal gaye.....​

office ka din theek thak hi gujar raha tha. lunch ke liye anand ne bakery me jake kuch breads khaye....​

vaha se vapis loutne time unhe kuch logo ki kana fusi karne ki awaze sunayi dene lagi...​

unhone kuch der ruk kar vahi apne kaan unki baat sunne me laga diye....​

vo log kisi Rishi ki baat kar rahe the.....Rishi ka naam sunkar anand kuch bechain se ho gaye....aur apne office ke cabin me aake baith gaye....​

Unhe aaj se do saal pahle ki ghatna yaad aane lagi thi...​

anand ki chinta ka kaaran vo baat karne wale nahi balki jiska naam lekar vo baat kar rahe the vo naam tha..​

Rishi, Megha aur Ajit ka Beta tha...jo darasal aaj se do saal pahle kho gaya tha megha aur ajit ne bahut koshish ki usko dhudne ki lekin uska koi pata nahi chala​

Vaise megha aur ajit ke rishi ke alawa bhi ek ladka sanjay aur ladki ka naam shree hai ...ye dono hi rishi se bade hain.... ​

inhi yado me anand khoye huye the ki achanak unko aone bete aditya ka khyal aaya aur unhone turant ghar call laga diya​

urmila--hello...ha..ji..aaj itna jaldi kaise yaad aa gayi...​

anand--kyo mai din me call nahi kar sakta kya...​

urmila--maine isliye puchha kyon ki aap din me busy rahte ho...kabhi call nahi karte bas​

anand--kuch nahi aaj subah us shaitan aditya ki kiss nahi le paya na to uski yaad aa rahi thi...achchha kya kar raha hai mera beta...​

urmila--aur kya karega...poora dinudham karta firta hai....aur mujhe pareshan karta hai...​

anand--hahahaha...mere bete jaisa dusra koi nahi hai....​

urmila--ha vo to hai...mera mann to usme hi laga rahta hai din bhar...​

anand--chalo theek hai..mai jaldi aata hu.. aur phir sham ko ghumne chalte hain..​

urmila--sach....​

anand--much...ok bye​

urmila--jaldi aana...bye​

anand ke mann ko ab shanti mili ki aditya ghar me sahi salamat hai...​

shaam ko vo jaldi ghar lout aaya..urmila to saj dhajkar pahle hi taiyar baithi thi..​

anand ko dekhte hi uska chehra khil utha​

urmila--aap aa gaye...laiye bag mai rakh deti hu...aap car bahar hi rahne do...​

anand--bahar hi kyo rahne du..​

urmila--ghumne jana hai na...to jaldi chaliye...mai adi ko lekar aati hu...​

anand--arey bhagyawan...thodi der aram to kar lene do....kapde change kar lu..fresh ho jane do...ek cup chaay pila do..phir chalte hain...​

urmila--nahi nahi kapde to theek hi pahne hain...chaay ham bahar hi pi lenge...aur fresh vapis loutne ke baad hona...ha​

anand--ajeeb pagal biwi hai..yaar​

urmila--kya kaha...​

anand--nahi..nahi..tumhe kuch nahi kaha. chalo phir ...​

dono aditya ko lekar car se ghumne nikal gaye....​

urmila ne dher sari shoping kar dali.....​

anand (mann me)--iske sath agar mahine me ek do baar aur shoping karne aa gaya to mujhe katora leke bhikh maangna padega...​

kisi tarah urmila ki shoping hone ke baad vo ek park me kuch der jake baith gaye..​

vo baithe hi the ki aditya shararat karte huye park me baithe ek shaks kigod me jake chad gaya...​

uska shaks ka chehra dekh kar anand ke mathe par chinta ki lakire ubhar aayi...

To be Continued

Reply
Satish Kumar
Posts: 1092
Admin
Topic starter
Member
Joined: 1 year ago

dono aditya ko lekar car se ghumne nikal gaye....​

urmila ne dher sari shoping kar dali.....​

anand (mann me)--iske sath agar mahine me ek do baar aur shoping karne aa gaya to mujhe katora leke bhikh maangna padega...​

kisi tarah urmila ki shoping hone ke baad vo ek park me kuch der jake baith gaye..​

vo baithe hi the ki aditya shararat karte huye park me baithe ek shaks kigod me jake chad gaya...​

uska shaks ka chehra dekh kar anand ke mathe par chinta ki lakire ubhar aayi...

Chamatkar Kalpana Se Pare | Update 3

Aditya ko us admi ki god me dekh kar anand chounk gaya…kyon ki vo shakhs aur koi nahi ajeet hi tha, megha ka pati….

Ajeet bhi anand ko dekh kar thoda hairan rah gaya…kafi samay ke baad jo usne dekha tha aaj anand ko..

Ajeet—bhai sahab aap……yahan…shukar hai bhagwan ka ki aaj aap hame mil hi gaye….kitna nahi khoja maine aur megha ne aap dono ko…vo aaj bhi apni bahan ko bahut yaad karti hai…

Ajeet jahan dono ko dekh kar khush ho raha tha vahi anand mann hi mann apni kismat ko kos raha tha ki vo yaha aaya hi kyo….use urmila ki baat maanni hi nahi chahiye thi……

Anand (bujhe mann se)—hamne bhi tum logo ko bahut pata kiya lekin kuch khabar malum nahi huyi

Anand ne adi ko jaldi se ajeet ki god se utha liya....jaise ajeet ki god me kaante lage ho aur jinke chubhne ka darr ho ki ye kaante kahi adi ko na lag jaye…..

Urmila bhi tab tak un dono ke pass aa gayi…vo bhi ajeet ko dekh hairan huyi….

Urmila—ajeet ji aap….kaha the ab tak..aur megha kaisi hai…..bachche kaise hain….?

Ajeet—sab theek hain bhabhi ji….megha bhi theek hain…..dono bachche bhi theek hain…aur ye adi hi hai na…..aap log to adi ke hote hi jaise ham logo se naata hi tod liya….

Urmila aur megha vaise to hain sagi bahne hi…magar ki kabhi nahi banti thi bachpan se hi….ek teer thi to dusri talwar…..

Anand (khijhte huye)—achchha ajeet ab hum chalte hain…phir milenge….

Ajeet—thodi der rukiye na bhai sahab….abhi to maine adi ko khilaya hi nahi…….

Anand—phir khila lena adi ko abhi hum jaldi me hain…..

Dono ne apna pata aur no. Exchange kiya aur phir milne ka bol vaha se nikal gaye....anand apna address aur no. Dena to nahi chahta tha ajeet ko lekin majburi me dena pada……

Uske mann me apne bete ko khone ka darr satane laga tha…..

Ghar pahuch kar fresh hone ke baad dono adi ko sula kar khud bhi sone lage…lekin anand ki ankho se need koso dur thi….vo apni ateet me khota chala gaya……

To be Continued

Reply
Satish Kumar
Posts: 1092
Admin
Topic starter
Member
Joined: 1 year ago

Ajeet—thodi der rukiye na bhai sahab….abhi to maine adi ko khilaya hi nahi…….

Anand—phir khila lena adi ko abhi hum jaldi me hain…..

Dono ne apna pata aur no. Exchange kiya aur phir milne ka bol vaha se nikal gaye....anand apna address aur no. Dena to nahi chahta tha ajeet ko lekin majburi me dena pada……

Uske mann me apne bete ko khone ka darr satane laga tha…..

Ghar pahuch kar fresh hone ke baad dono adi ko sula kar khud bhi sone lage…lekin anand ki ankho se need koso dur thi….vo apni ateet me khota chala gaya……

Ab Aage……………

Chamatkar Kalpana Se Pare | Update 4

Anand aur urmila ki shadi ko 8 saal se upar ho chuka tha……anand ki drill banane ki chhoti si factory thi.. kul mila ke agar kaha jaye to dhan daulat ki koi kami nahi thi……

Magar phir bhi dono ke jeevan me ek dukh hamesha rahta tha…..aur vo dukh tha aulad na hone ka… shadi ke itne saal ke baad bhi unki koi aulad nahi thi……

Aisa nahi tha ki urmila maa nahi ban sakti thi ya anand me koi khas kami thi……urmila teen beer pregnant bhi huyi lekin har baar uska garbhpat ho jata tha……

Bade se bade doctors ko dikhane ke baad bhi condition vahi ki vahi thi…..urmila ki dawaiya chalu thi…

Doctors ke mutabik urmila ki bachchedani kuch kamjor thi jiski vajah se vo bachche ka vajan sambhal na sakne ke karan uska garbhpat ho raha hai….

Isi dauran urmila ki ek saal chhoti bahan megha ki usi shahar me uski bhi shadi huyi thi unke do bachche ek ladka aur ek ladki ho chuke the……

Anand aur ajeet dono chachere bhai the…lekin dono ke swabhav me bahut antar tha….ajeet ek no. ka sharabi tha vahi anand iske viprit pan gutkha tak nahi khata tha….

Ajeet ki bhi kapde ki dukan thi…jisse unka kharcha chalta tha……khair jab megha ko do bachche ho gaye aur jab bhi vo urmila se milne aati to un bachcho ko dekh kar urmila ka mann bhi maa banne ke liye machal uthata…….

Aur phir apni kismat par vo rone lagti….aise hi din gujarne lage unke….is beech dono mandir masjid jakar bhi aulad ke liye apna daaman phailate rahe….urmila ka ilaz bhi chalta raha……

Akhir ek din un dono ki fariyad ek bar phir upar wale ne sun li…..urmila phir maa banne wali thi….kahi is bar phir garbh na gir jaye is darr se urmila apna adhikansh samay bistar par hi leti rahti…..

Ghar ke kaam kaaj ke liye anand ne naukrani rakh li thi jo ghar aur urmila dono ka dhyan rakhti…vahi megha bhi tisri bar maa banne wali thi……

Itne parhej ke baad akhir urmila ka garbh is bar bach gaya aur vo ghadi bhi karib aa gayi thi….megha ne urmila se ek mahine pahle hi bete ko janam diya……

Ladke ka naam Rishi rakha gaya…..megha ki delivery ke ek mahine baad urmila ki delivery huyi…lekin is bar result me bachcha mara hua paida hua……

Doctor ne anand ko bula kar sari baat batayi…..anand behad dukhi ho gaya….use apne se jyada urmila ke dukh ki chinta thi jo philhal is samay behosh thi…….

Anand ne doctor se kuch baat karke nikal gaya hospital se……usne khidki se megha ke ghar me ghus kar ek mahine ke nanhe se Rishi ko jo bechara so raha tha ko uthakar chupchap vaha se nikal gaya…..

Aur Rishi ko apne mare huye bete ki jagah lita kar us bachche ka antim sanskar karne chala gaya….

Urmila ko jab hosh aaya tab to vo apne bachche (Rishi) ko dekh kar bahut khush huyi…….kuch der me anand bhi hospital lout aaya……

Urmila pregnant ki vajah se ghar me hi rahti thi aur megha bhi delivery ke bad milne nahi aayi thi jisse urmila us bachche ko nahi pahchan payi…..

Anand ne poore hospital me mithayi baati khushi jahir karne ke liye….dusre din discharge karwa ke anand ne vo jagah chhod kar umred aa gaya…..jaha ek ghar kharid liya tha aanan faanan me usne…

Idhar megha ko jab apna bachcha nahi mila to usne ro ro kar poora ghar sar pe utha liya…..

aaspass pata karne par bhi jab kuch nahi malum hua tha to unhone police fir ki gumshudgi ki……magar kuch malum nahi hua…..

Idhar anand ke ghar us bachche ke kadam padte hi usko khush khabri mili ki ek badi company ne drill banane ka karodo ka order diya hai……

Anand ke mann me bhi usi pal se us bachche ke liye apnapan aa gaya…..do din baad bachche ka namkaran karne ke liye mandir ke pujari ko bulaya gaya…..

Bachche ki janam kundli banate samay wo bahut hairan huye….unke chehre par aate jate bhav ko dekh kar urmila chinta karte huye boli…..

Urmila—Pandit ji sab theek to hai na…..koi chinta ki baat to nahi hai….

Pujari—Nahi Beti….Ye balak bada hi bhagyashali aur chamatkari hai…..iske andar aloukik tez hai jo iske chehre se jhalak raha hai….isme bahut si adbhut shaktiyan hain jo apne samay par use prapt hogi aur har sankat me uski raksha bhi karegi…..

Pujari ki baat sunkar urmila aur anand dono khush ho gaye…..

Anand—Pandit ji hamare bete ka naam kya hoga….?

Pujari (kuch der soch kar)—vaise to iska naam kuch aur hi hai magar isme jo suraj ke saman tez hai to iska naam Aditya rakhna theek hoga……

Anand ne pujari ko dher sari dakshina dekar khush kar diya aur vo bhi khushi khushi ashirwad dete huye chala gaya…..

Us din se aditya urmila aur anand dono ki jaan ban gaya…..in do saalo me anand ki company ko jamkar munafa hua…..ek chhoti si company ab badi hokar Aditya Industries Ban gayi thi….

Lekin anand ko hamesha ye darr satate rahta ki kahi adi ki sachchayi kisi ko malum na ho jaye….is darr se vo hamesha aditya ke prati choukanna rahta tha….megha aur uske pati se apna rishta tod liya ki kahi vo aditya ko pahchan na le……

To be Continued

Reply
Satish Kumar
Posts: 1092
Admin
Topic starter
Member
Joined: 1 year ago

Anand—Pandit ji hamare bete ka naam kya hoga….?

Pujari (kuch der soch kar)—vaise to iska naam kuch aur hi hai magar isme jo suraj ke saman tez hai to iska naam Aditya rakhna theek hoga……

Anand ne pujari ko dher sari dakshina dekar khush kar diya aur vo bhi khushi khushi ashirwad dete huye chala gaya…..

Us din se aditya urmila aur anand dono ki jaan ban gaya…..in do saalo me anand ki company ko jamkar munafa hua…..ek chhoti si company ab badi hokar Aditya Industries Ban gayi thi….

Lekin anand ko hamesha ye darr satate rahta ki kahi adi ki sachchayi kisi ko malum na ho jaye….is darr se vo hamesha aditya ke prati choukanna rahta tha….megha aur uske pati se apna rishta tod liya ki kahi vo aditya ko pahchan na le……

Ab Aage…………….

Chamatkar Kalpana Se Pare | Update 5

Aise hi khyalo me khoye huye anand ki need kab lag gayi pata hi nahi chala……subah uthne ke baad phir vohi bhag doud……

Samay yo hi beetne laga anand ka business bhi din dooni aur raat chouguni raftar me badhne laga tha….. apne desh ke alawa bhi usne ab England me apni company khol li thi……

Is douran ajeet aur megha bhi aditya ko dekhne unke ghar aane jane lage the..jisse anand ke mann ka chor ghabrane laga tha……

Apne darr ki vajah se anand ne india se England shift kar liya.....aur ek baar phir unka samandh megha ke pariwar se toot gaya....

Magar isse anand behad khush tha…uske mann ka darr bhi england aakar khatam sa ho gaya….urmila apna adhiktar samay adi ki dekh bhal me hi bitati thi……..

Aditya bhi ab school jane laga tha….lekin uska swabhav apne sath ke baki bachcho se kafi alag tha… vo study ke sath hi sath sports me bhi avval tha…..

Din mahino me aur mahine saalo me kab tabdeel ho gaye kuch pata hi nahi chala….is beech aditya ke sath chhoti chhoti ghatnaye yada kada hoti rahi..magar koi badi ghatna nahi huyi jiska ullekh karna itna aawasyak ho….

Anand ab india ke sath hi sath England ka bhi ek naamchin udyogpati ban chuka tha….bade bade logo ke sath uska uthna baithna tha….

Lekin in sabke bavjud vo aditya aur urmila ko poora waqt deta tha…adi to anand aur urmila ki ankho ka kohinoor tha jaise…..un dono ke laad pyar ne aditya ko ziddi jarur bana diya tha….

Aaj aditya ke higher secondary board ke result ke sath sath uska 18th birthday bhi hai……….jiski taiyariya joro se ho rahi hain….

Bunglow ko kisi dulhan ki tarah sajaya ja raha hai ek din pahle se hi……..

subah ke 9 baj chuke hain anand dining table par nasta karne baitha hai……magar nasta kare to kare kaise nasta abhi tak bana hi nahi tha

Ye kewal aaj ki baat nahi hai ye to barso se chala aa raha silsila hai…..Jab tak aditya ye nahi bata deta ki use aaj naste me khana kya hai tab tak urmila na to khud nasta banati aur na hi naukrani ko banane deti

Bechare anand ko ghanto naste ke liye dining table par baith kar intazar karna padta ki kab ye sahebzade need se uthe aur use nasta mile……..

Agar kabhi vo galti se bhi nasta banane ko urmila ko bol deta to usko ulta khari khoti sunne ko mil jati

Urmila saf shabdo me jawab de deti ki “Jab tak mera beta uth ke nasta nahi kar leta tab tak kuch nahi milega, aap ko jyada jaldi hai to bahar kahi kar lena…magar ghar me sabse pahle mera beta hi khayega”

Anand bhigi billi ki tarah chup ho jata…..vo janta tha ki bahas me biwi se koi nahi jeeta to vo kya jeetega aur yadi kisi tarah apni biwi se jeet bhi gaya to maa se hargij nahi….vo apni aulad ke aage pati ko kuch nahi ginti…….

Aaj bhi vo vahi kar raha tha…intazar…apne lakhte jigar ke uthne ka…….magar aditya hai ki mast soya hua hai….use koi fikar hi nahi hai……

Har roj ki tarah aaj bhi urmila hi usko uthane aayi…..

Urmila—adi beta uth jao…dekh kitna time ho gaya hai….uth ja mere nand gopal…..

Aditya—abhi thoda aur sone do na mummy…..

Urmila—Happy Birthday me Lal….

Aditya—vo to aapne raat me hi akar mujhe wish kar diya tha…

Urmila—dekh aaj tera result bhi open hona hai na…..

Result ka naam sunte hi uski need furr ho gayi….magar phir bhi vo ankhe band kiye leta hi raha…

Urmila mushkurate huye uske dono gaalo par…phir mathe par…dono ankho par…thuddi par kiss ki tab jake usne apni ankhe kholi…..

Aditya—good morning my sweet mummy….

Urmila—good morning my sweet loving son…

Aditya ko uthane ke liye urmila ko roj aisa hi karna padta hai….isme dono ki antar atma tak khushnuma ho jati hai….

Urmila—itna natak kyo karta hai uthne me…

Aditya—aap ko pata hai na mummy jab tak aap mujhe aise hug nahi kar leti meri need hi nahi khulti to mai kya karu...

Urmila—chal badmash...jaldi ja aur fresh ho ja.....aur ha aaj kya khayega mera raja beta.....

Aditya—aaj meri pyari mummy ki pasand ka khaunga.....

Urmila—chal theek hai....ja fresh ho ja jaldi....tab tak main nasta ready karti hu....tere dady niche tere intazar me bhukhe baithe hain......

Aditya—ok mom…bas 10 min….

Aditya bathroom me ghus gaya aur urmila kitchen me.....urmila ke kitchen me jate dekh kar anand samajh gaya kunwar sahab uth gaye hain.....ab jake nasta milega....

Nasta to vo bahar bhi kar sakta tha lekin is intazar ke baad jo pyar milta hai vo bahar kaha milega.... anand bhi aditya ko dekhe bina office nahi jata tha….aditya uski bhi kamjori tha…

Karib 30 min me aditya bhi ready hokar niche aa gaya…..niche aate hi uske sath jo hua usse vo hairan ho gaya…..

To be Continued

Reply
Page 1 / 27

Join Free ! Unlock Premium Feature

Recent Posts